د هرات پوهنتون رئیس د کار او ټولنیزو چارو له رئیس سره وکتل
د هرات پوهنتون رئيس پوهندوی عبدالعزيزنعماني په داسې حال کې چې په هرات کې د لوړو زده کړو وزارت ځانګړی استازی او د هرات پوهنتون مالي او اداري چارو مرستيال مولوي منت الله آخندزاده هم حاضرو، د هرات ولایت د کار او ټولنيزو چارو له رئيس حافظ میرزا ابومحمد منصور او مل پلاوي سره یې ليدنه اوخبرې اترې وکړې.
د دې ليدنې موخه د هرات پوهنتون او کاراو ټولنيزو چارو ریاست ترمنځ د همکارۍ د تړون دوام او د محصلينو لپاره په دولتي ادارو او خصوصي سکتورکې د کاري زده کړې اوهمدارنګه د پوهنتون څخه فارغومحصلينو ته د بوختيا د زمینې برابرولو په اړه بحث او تبادل نظر وشو.
د هرات پوهنتون رئيس پوهندوی عبدالعزيزنعماني د پوهنتون محصلينو او فارغينو ته د کاراو ټولنيزو چارو رياست د پروګرامونو د هرکلي ترڅنګ، د تحصيلي بنسټونو فارغينوته د بوختيا د ارزښت په اړه خبرې وکړې او د همکارۍ د هوکړه ليک عملي کولو په برخه کې یې د هرډول همکارۍ ژمنه وکړه.
په دوام یې د هرات ولایت د کاراو ټولنيزو چارو رئيس هم د هرات پوهنتون د همکارۍ څخه مننه څرګنده کړه، فارغينو اومحصلينو ته د چوپړتياوو وړاندې کولو په برخه کې یې د دوو ادارو ترمنځ د همکارۍ د هوکړه ليک عملي کول مهم یاد کړل.
