د MIS سیسټم پوره کولو ته اړتیا
په هرات پوهنتون کې د MISسیستم ته د اړتیا او د الکتروني او دیتابس سیستمونو د برابرولو تدابیري ناسته:
د هرات پوهنتون سرپرست او د محصلینو چارو مرستیال پوهندوی غلام حضرت حساس، د پوهنتون مالي او اداري مرستیال پوهنیار منت الله آخند زاده، د پوهنتون علمي معاونیت سرپرست پوهنمل رحیم بخش فقیر یار، د کمپیوتر ساینس پوهنځي رئیس پوهنیار سید کامران حسیني، د اداري برخو آمرانو او مدیرانو په حضور د هرات پوهنتون د ریاست په دفتر کې دایره شوه.
ناسته د کلام الهي د آیتونو په تلاوت سره پیل شوه وروسته د هرات پوهنتون سرپرست ښاغلي پوهندوی غلام حضرت حساس په دولتي ادارو کې په ځانګړې توګه په هرات پوهنتون کې د الکترونیکي سیستم د اړین ګڼلو ترڅنګ، په دې برخه کې د کمپیوټر ساینس پوهنځي له اقداماتو څخه مننه وکړه، او اظهار یې وکړ چې د کاري بهیر د چټکتیا او د چارو د شفافیت لپاره، په دې علمي مرکز کې د MIS سیستم تطبیق ته اړتیا ده.
وروسته د هرات پوهنتون مالي او اداري مرستیال هم یاد سیستم ته د دې علمي مرکز د اړتیا په اړه خبرې وکړې او مربوطه برخو ته یې د هغې د عملي کولو لپاره لازمې لارښوونې وکړې.
ورپسې د علمي معاونیت سرپرست هم د دیجیتالي سیستم نه شتون یو له اساسي ستونزو څخه وګڼله، وه یې ویل: چې یاد معاونیت په دې برخو کې د الکتروني سیستم د تطبیق لپاره همکارۍ ته چمتو دی.
دا ناسته د کاري استقامتونو په ویشلو، د الکترونیکي سیستم د رامنځته کولو د پیل لپاره چمتووالی او د الکترونيکي سیستم د جوړولو لپاره له آی ټي کارکونکو څخه د یو کس په معرفي پای ته ورسېده.
د هرات پوهنتون د عامه پوهاوي او اړیکو آمریت
۲ محرم ۱۴۴۵- ۲۹ چنګاش ۱۴۰۲
