دلوړ رتبه استادانو سره د هرات پوهنتون د رهبري هیئت غونډه
د هرات پوهنتون علمي معاونيت او علمي مجلې د دې پوهنتون د شيخ الحديث ابوالحکمت مفتي عبدالغفار او نورو لوړ رتبه استادانو سره غونډه وکړه.
د دې غونډې په سر کې د هرات پوهنتون رئيس شيخ الحديث ابوالحکمت مفتي عبدالغفار د غونډې ګډونوالو ته د ښه راغلاست تر څنګ د خپل وروستي سفر په اړه چې کابل ته يې کړی ؤ، معلومات وړاندې کړل.
د هرات پوهنتون رئيس د خپلو خبرو په دوام وويل چې د هرات پوهنتون يو له ښو پوهنتونونو له جملې څخه دی، چې هر کال زرګونه محصلين د بېلابېلو څانګو څخه فارغوي او لس ګونه علمي مقالې چاپوي.
د هرات پوهنتون رئيس د دې پوهنتون د استادانو له زحمتونو څخه مننه وکړه، او له هغوی څخه د پوهنتون د کارونو د چټکتيا په پار د نېکو مشورو غوښتونکی شو.
وروسته د هرات پوهنتون د څېړنو او علمي مجلې معاون پوهاند عزيزالرحمن نيازي د خپلو کارونو راپور وړاندې کړ. هغه د خپلو خبرو په ترڅ کې زياته کړه چې هرات اوسمهال د انديشه، توسعه او طبي په مجلې لري چې د استادانو مقالې پکې نشروي. ده خپل د
را تلونکي پلان هم وړاندې کړ.
وروسته د هرات پوهنتون د دعوت او ارشاد امر حاجي مولوي عبدالله طيب د هرات پوهنتون د مقام او د علم د ارزښت په اړه خپل معلومات وړاندې کړل.
د غونډې په پای کې استادانو خپل وړانديزونه د هرات پوهنتون رهبري هیئت ته وړاندې کړل.
