د هرات پوهنتون د مالي او اداري مرستيال له لوري د کادري روغتون څخه ليدنه وکړه
د هرات پوهنتون د مالي او اداري چارو مرستيال مولوي غلام رسول سروري د کادري روغتون د رئیس ډاکتر ذبيح الله اميد او د ياد روغتون کاري چارو او بېلابېلو برخو څخه ليدنه وکړه.
په دې ليدنه کي د کادري روغتون رئیس د مالي او اداري معاونيت د بشپړه ملاتړ او همکارۍ څخه مننه وکړه او ددې معاونيت رول يې د روغتون په روغتيايي کيفيت، پرمختګ او خدمتونو کي مهم وګڼی او د دې معاونيت د دوامداره هڅو څخه يې مننه وکړه.
د مالي او اداري مرستيال مولوي غلام رسول سروري د کادري روغتون د ډاکترانو او کارکوونکو د شپني او ورځني کارونو او خدمتونو څخه مننه او قدرداني وکړه او زياته يې کړه، چي د دې روغتون د اوسنيو او نورو اړين وسايلو او تجهيزاتو برابرول د مالي او اداري معاونيت په لومړيتوبونو کي ځای لري، هغه د ياد روغتون د بېلابېلو برخو د ليدني پر مهال د تجهيزاتو پر پراختیا، د کاري چاپېريال د ښه والي او د روغتيايي خدمتونو د کيفيت د پرمختګ په اړه ټينګار وکړ او هغوی ته يې وويل: "مالي او اداري معاونيت به د خپل ټول توان له مخي هڅه وکړي، ترڅو د کادري روغتون اړين وسايل برابر د خلکو روغتيايي ستونزي ته رسېدنه وسي او همدارنګه د ناروغانو او کارکوونکو لپاره مناسب چاپېريال برابر کړي."
