د ترکيې د نجم الدین اربکان پوهنتون سره ويډيو کنفرانس وشو.
د هرات پوهنتون رهبري هیئت نن د ترکيې د نجم الدین اربکان پوهنتون له مسؤلینو سره د ويډيو کنفرانس له لارې خبرې وکړې.
د دې ويډيو کنفرانس موخه د هرات پوهنتون او د ترکيې د نجم الدين اربکان پوهنتون يو او بل ته ورپېژندل او ترمنځ يې د همکاريو ايجادول وو.
د دې ويډيو کنفرانس په لومړيو کې د ترکيې د نجم الدين اربکان پوهنتون مسؤول د خپل علمي بنسټ پر معرفي پيل وکړ او دغه راز يې زياته کړه چې په نيږدې راتلونکې کې به د له هرات پوهنتون څخه ليدنه وکړي. په همدې ډول يې د علمي برنامو پر سر هم خبرې وکړې.
په دې ويډيو کنفرانس کې د هرات هرات ده پوهنتون له اړخه د دې پوهنتون علمي مرستيال او سرپرست مولوي محمد موسی فایق خبرې وکړې. هغه په خپلو خبرو کې لومړی د ترکيې د نجم الدين اربکان پوهنتون سره د آشنا کېدو له امله خوښي څرګنده کړه، وروسته يې د هرات پوهنتون په معرفي پيل وکړ او دغه راز يې د ترکيې د نجم الدين اربکان پوهنتون له همکارۍ څخه مننه وکړه او د دوی له اړخه د دغو همکاريو د دوام غوښتونکی شو.
وروسته د ساينس پوهنځي استاد پوهنيار معين حسيني د هرات د معرفي پرزنټېشن په ترکي ژبه وړاندې کړ.
