د طب پوهنځي د کادري د بيارغونې له پروژې څخه ليدنه
د هرات پوهنتون اداري مرستيال ملا انعام الله انعام د تدارکاتو او چوپړتیاوو له امر نثار احمد قاسمي سره یو ځای د طب پوهنځي د کادري روغتون د بيا رغونې له پروژې څخه ليدنه وکړه.
د دې ليدنې موخه د يادې پروژې له پرمختګ، کيفيت او د کار له بهير څخه ډاډ تر لاسه کول وو.
په دې ليدنه کې د هرات پوهنتون اداري مرستيال د يادې پروژې له مسؤلينو سره د کار د پرمختګ او په لاره کې يې د پرتو خنډونو په اړه مفصلې خبرې وکړې او هغوی ته يې لازمې سپارښتنې وکړې.
د يادونې وړ ده چې دا پروژه د درملنې د کيفيت د لوړولو او د طب پوهنځي د ستاژ دورې د محصلینو د عملي کارونو لپاره په لاره اچول شوې.
