د غاښونو د ساتلو يو ورځنی سيمينار جوړ شو.
د هرات پوهنتون د محصلانو د چوپړتیاوو د انسجام امريت د طب پوهنځي په همکارۍ د غاښونو د ساتلو يو ورځنی سيمينار د محصلینو لپاره جوړ کړ.
سيمينار د څو مبارکو ايتونو په تلاوت سره پيل شو، وروسته د محصلينو د چوپړتیاوو د انسجام امر نظام الدين ملکي محصلينو ته ښه راغلاست وويل، دغه راز يې ترڅنګ د محصلینو د چوپړتیاوو د امريت پر کارونو هم رڼا واچوله. هغه وويل چې دا امريت تل هڅه کوي چې د محصلینو د ذهني سويې د لوړولو لپاره نوې تګلارې په کار واچوي.
د سيمينار په دوام د ستوماتولوژي پوهنځي استاد پوهنمل دوکتور عزیر عرفان د غاښونو د ساتلو سيمينار وړاندې کړ او د محصلينو پوښتنو ته يې ځوابونه ورکړل.
