د معتاد پيژندني علمي کنفرانس او د ټولنپوهنې غوره څېړنيز زده کړیالان وستايل سوه
د هرات پوهنتون د اجتماعي علومو پوهنځي له لوري د " معتاد پيژندني" په عنوان باندي یو څېړنیزه کنفرانس وړاندي سو، چي په دې کنفرانس کي د ټولنپوهني څانګي د زده کړیالانو له لوري يې ساحوي څېړني پایلې ګډونوالو ته وړاندې سوې.
د دې کنفرانس موضوعات؛ په مخدره موادو باندي د معتاد کېدلو اصلي لاملونه د احمد سیر عثماني او د معتاد کېدلو څخه د مخنيوي لاري چاري بیا د محمد هادي امیني له لوري وړاندي سول.
دا کنفرانس د پوهنیار احمد جواد اصیل په لارښووني او همکاري باندي د زده کړیالانو د څېړنيزې روحیې او روزنې په موخه ترتيب سوی و، په دې تړاو څو ګروپونو محصلانو ساحوي څېړني ترسره کړې وې، چي تر آرزونې وروسته د هغوی له منځه دوه د غوره ګروپونه توګه وټاکل سول او خپلې څېړنيزي پایلې یې د استادانو او زده کړیالانو په حضور کي وړاندي کړې.
پوهنیار محمد ناصر محمدي، د ټولنيزو علومو پوهنځي رئیس پوهنيار محمد ناصر محمدي د ساحوي څېړنو د ارزښت او د داسي کنفرانسونو د ترسره کولو پر اهميت خبري وکړې، د څېړنيزو محصلانو ستاينه يې وکړه او نوموړي نور محصلان هم وهڅول ترڅو ساحوي څېړني ترسره کړي.
ددې علمي کنفرانس په وروستيو کي د غوره څېړونکو زده کړیالانو هڅې په معنوي ډالۍ او ستاينليک سره وستايلې همدارنګه ټولو زده کړیالانو ته د بریالیتوب په دعا کولو سره کنفرانس پای ته ورسېد.
