د هرات ولايت د علماوو شورا
د هرات ولايت د علماوو شورا د پيژندنې او مشورتي ناسته د دغه ولايت د علماوو شورا د رئيس شیخ الحديث والتفسير محمد بشرحليمي، دهرات پوهنتون د رئيس پوهندوی عبدالعزيز نعماني، په هرات کې د لوړوزده کړو وزارت ځانګړي استازي او د هرات پوهنتون مالي او اداري چارو مرستيال مولوي منت الله آخندزاده، د علماوو شورا مرستيال شيخ الحديث والتفسير مولوی عبدالحميد او ګڼو علماوو کرامو، د دولتی او خصوصي لوړو زده کړو مؤسسینو د پوهنځيو رئيسانو او استادانو په وړاندې د ولايت مقام په سالون کې د نظر د يووالي اصل او د د يني زده کړو د مرکزونو او پوهنتونو ترمنځ د همکارۍ او دغه مهم امرته د رسيدو په موخه د ایره شوه.
ناسته د مفتي ګل احمد سامع له خوا د قرآن کريم د څو مبارکو آیاتونو په تلاوت سره پیل شوه، وروسته د علماوو شورا رئيس شیخ الحديث والتفسیرمولوي محمد بشرحليمي د د يني مدرسو او د پوهنتونونو د استادانو ترمنځ د نظرياتو او افکارو د نږديوالي پراړتيا عالمانه او هراړخيزې خبرې وکړې.
ورپسې د هرات پوهنتون رئيس مولوي عبدالعزيز نعماني د خپلواکۍ او اسلامي نظام د واکمنۍ له فرصت غنيمت ګڼلو څخه په ګټې اخيستنې علمای کرام او استادان په فردي او ټولنيز ژوند کې د مادي اومعنوي اړتیاوو پاملرنې او ساتنې ته وهڅول، د مدرسو او پوهنتونو ترمنځ د واټن د رامنځته کيدو د عواملو پر علمي څرګندتیا او د حل د لارو چارو پرسنجولو یې ټينګار وکړ.
وروسته دهرات پوهنتون د شرعياتو پوهنځي استاد پوهنمل محمود شفيق هم د ديني او ساينسي علومو اړتیا ته اشاره وکړه او د اسلام د دين پر هراړخيزوالي او بشپړوالي یې خبرې وکړي.
بيا حاجي خليفه صاحب مولوي عبدالقدوس د عقيدتي زده کړو او سالمې ښوونې پرارزښت خپلې عالمانه څرګندونې وکړې.
ورپسې د غالب خصوصي پوهنتون رئيس پوهاند محمد ناصر رهياب او د جامي پوهنتون علمي مرستيال استاد رحيمي د اړيکو پرارزښت او اړتيا خبرې وکړې او د هراړخیزې همکارۍ خبر یې ورکړ.
وروسته د علماوو شورا مرستيال شیخ الحديث والتفسير عبدالحمید د نظر د يووالي پر اړتیا او د مدرسو او پوهنتونونو ترمنځ د اړيکو پر اهميت ټينګار وکړ او د هر اړخيزې همکارۍ خبر يې ورکړ.
دعلماوو شورا مرستيال د حنفي مذهب په چوکاټ کې د افکارو او عقايدو يووالي ته د پاملرنې ترڅنګ د علمي – اکاډمیکو غوڼدو پرجوړيدو او د اسلامي نظام څخه پرهر اړخيز ملاتړهم خبرې وکړې.
دغه راز د هرات پوهنتون د اقتصاد پوهنځۍ رئيس پوهنوال محمدناصرمعين هم دعلم د زده کړې پرارزښت او اسلامي تمدن ژوندي کولو په هکله خبرې وکړې د ا.ا.ا مسئولینو څخه یې د پوهې اړتيا ته په کتو دغې برخې ته د لازیاتې پاملرنې او همکارۍ غوښتنه وکړه.
