د هرات پوهنتون دعلمي شورا غونډه
د هرات پوهنتون دعلمي شورا غونډه د هرات د پوهنتون رئیس پوهندوی عبدالعزیز نعماني ، د استادانو د چارو آمر او د علمي چارو سرپرست مرستیال پوهنمل رحیم بخش فقیر یار ، او د پوهنتون د پوهنځیو د رئیسانو او د استادانو په حضور کې د علمي شورا د غونډو په اتاق کې تر سره شوه.
غونډه د قرآنکریم د مبارکو آیاتونو په تلاوت سره پیل شوه. او وروسته د هرات پوهنتون رئیس پوهندوی عبدالعزیز نعماني د پوهنتون د استادانو د هڅو څخه د درسي چارو د مخته وړلو په برخه کې مننه وکړه. د پوهنتون د اړوند مسائلو په اړه یې هر اړخیز بحث وکړ او د وضعیت د ښه کېدو لپاره یې لازم هدایات او لارښوونې د غونډې حاضرینو ته وړاندې کړې. د پوهنتون رئیس د علمای کرامو سره د رهبري هیأت ناستو او لیدلو ته هم اشاره وکړه. دا ناستې یې مثبتې بیان کړې او د غونډې د حاضرینو څخه یې وغوښتل تر څو خپلې طرحې او نظرونه په دې اړه بیان کړي. ورپسې، د غوڼدې غړو خپل نظرونه او پېشنهادونه بیان کړل او د آجندا مطابق یې، د استادانو د تقرر او علمي رتبو د ترفیع دوسیې تثبیت او برسي کړې او په پای کې یې لازمې پرېکړې وکړې.
