د هرات پوهنتون د ژورناليزم پوهنځي نوی رئيس معرفي شو.
د ښوونې او روزنې پوهنځي استاد پوهنيار ذبيح الله عرفان د ژورناليزم پوهنځي ته نوي رئيس په توګه وروپېژندل شو.
دا مراسم د هرات پوهنتون د علمي مرستيال مولوي محمد موسی فایق، اداري مرستيال ملا انعام الله انعام، د ژورناليزم پوهنځي پخوانی سرپرست پوهنيار خليل احمد سروش، د استادانو چارو امر، د بشري سرچینو امر، د دعوت او ارشاد امر، او نورو استادانو او کارکوونکو په حضور کې ترسره شول.
د هرات پوهنتون رهبري هیئت د ژورناليزم پوهنځي د پخواني رئيس پوهندوی دوکتور نجيب الرحمن حديد او پخواني سرپرست رییس پوهنيار خليل احمد سروش نه په مننې نوي رئيس پوهنيار ذبيح الله عرفان ته د برياليتوب هيله وکړه.
د ژورناليزم د پوهنځي نوي رئيس پوهنيار ذبيح الله عرفان د لوړو زده کړو د وزارت او هرات پوهنتون له رهبرۍ نه مننه وکړه چې پر ده يې باور وکړ او له خپله اړخه يې د هر ډول چار د ښو او پر وخت اجرا کولو ژمنه وکړه.
