د ښوونې او روزنې پوهنځي د استادانو د علمي کنفرانسونو په اړه غونډه
د ښوونې او روزنې پوهنځي د څېړنو د کمېټې له خوا غونډه وشوه، چې د دې پوهنځي ټول استادان به په يوه وخت خپل کنفرانسونه وړاندې کوي.
دا غونډه د قرانکريم د څو مبارکو ايتونو په تلاوت سره پيل شوه.
ورپسې د دې پوهنځي رئيس پوهنوال بصير احمد کريمي استادانو ته د ښه راغلاست ترڅنګ، د څېړنو له کمېټې څخه مننه وکړه، چې داسې يوه برنامه يې په پام کې نيولې ده.
ده همداراز په پوهنتونونو کې د څېړنو پر ارزښت او په علمي پرمختګ کې يې پر نقش هم خبرې وکړې.
د غونډې په دوام، د بدني روزنې د څانګې آمر پوهنمل عبدالطيف جاويد، د « پروژې محور ميتود پر بنسټ د بدني روزنې د مضمونونو تدريس» تر سرليک لاندې سيمينار وړاندې کړ
د سيمينار په پای کې يې د ګډونوالو پوښتنو ته ځوابونه وويل.
