د هرات پوهنتون مالي او حسابي امر معرفي شو.
نن د يو لړ مراسمو په ترڅ کې هميشه ګل احرار د مالي او حسابي امر په توګه معرفي او رسماً يې کار پيل کړ.
دا مراسم د هرات پوهنتون د رهبري او کارمندانو په حضور کې پيل شول.
په پيل کې يې د هرات پوهنتون علمي مرستيال مولوي محمد موسی فایق مالي او حسابي اداره د پوهنتون يو کليدي بخش وګاڼه او ويې ويل چې مالي برخه په هره اداره کې ستوني فقرات حيثيت لري. هيله لرم چې نوموړی په دې برخه کې په پوره دقت سره کار وکړي او د پوهنتون په پراختيا کې ونډه واخلي.
د هرات پوهنتون مالي او حسابي امر هميش ګل احرار د لوړو زده کړو وزارت او هرات پوهنتون څخه د مننې تر څنګ ژمنه وکړه چې له خپلو ټولو تجربو څخه به په دې برخه کې په پوره دقت سره کار واخلي، تر څو يې په ترڅ کې وکولای شي، د هرات پوهنتون په مالي سيستم کې پوره شفافيت رامنځ ته کړي.
