د پوهنتون پرمختللې مشرتابه د څلور ورځنۍ روزنیزې ورکشاپ چې د پوهنتون د استادانو مسلکي پرمختګ آمریت له خوا تنظیم شوې وه، نن پای ته ورسېده.
دغه ورکشاپ د پوهنتون پرمختللې مشرتابه پوهې د انتقال، د مشرتابه ستراتېژۍ، پلان جوړونې، ستراتېژیک پلان ترتیب، د قوتونو، ضعفونو، فرصتونو او ګواښونو (SWOT) تحلیل او د کیفیت تضمین او اعتبار ورکولو اصلي او فرعي معیارونو په موخه د پوهنتون د رهبرۍ پلاوي او د پوهنځیو رئیسانو لپاره ترسره شوه.
د دې ورکشاپ د پای په مراسمو کې د هرات پوهنتون رئیس شیخ القرآن والحدیث مولانا عبدالغني حقاني حفظهالله د استادانو مسلکي پرمختګ آمریت، د لوړو زده کړو وزارت څخه د ماسټر ترینر استادانو او ګډونوالو مننه وکړه. هغه د مسلکي زده کړو د اهمیت په اړه خبرې وکړې او ډاډ یې ورکړ چې د دې ډول ورکشاپونو ترسره کول کولای شي د لوړ کیفیت تعلیمي خدماتو وړاندې کولو په بهیر کې اغېزمن وي.
په پای کې د مېلمنو په شتون کې ګډونوالو ته تصدیقنامې ورکړل شوې.
