د نشه يي توکو او چاپېريالي ککړتيا په اړه علمي کنفرانس
نن د هرات پوهنتون د علمي معاونیت له خوا د "نشه يي توکو او چاپېريالي ککړتيا" تر عنوان لاندې علمي کنفرانس ترسره شو.
دغه کنفرانس د هرات پوهنتون رئیس شیخ القرآن والحدیث مولانا عبدالغني حقاني حفظه الله، د پوهنتون مرستیالانو، د پوهنځیو رئیسانو او استادانو په ګډون د زراعت پوهنځي د کنفرانسونو په تالار کې ترسره شو.
کنفرانس د قرآني آیتونو په تلاوت سره پیل شو. وروسته د پوهنتون رئیس شیخ القرآن والحدیث مولانا عبدالغني حقاني حفظه الله د پوهنتون د علمي معاونیت مننه وکړه او د اسلام له نظره د شرابو د منع کولو مرحلې او د هغې زیانونو په اړه خبرې وکړې. هغه د جاهلیت د دور ناسم دودونه روښانه کړل او د فقهاؤ او عالمانو له نظره د نشه يي توکو منع کولو اهمیت بیان کړ.
