د ټولنپوهني محصلانو علمي سفر؛
د اجتماعي علومو پوهنځي د ټولنپوهني څانگې د دريم ټولگي زده کونکو د خپلو استادانو په لارښودني د کليوالي ټولنپوهنې د مضمون اړوند د کلیوالو سیمو د ستونزو پیژندلو او د کلیو د وضعیت د څېړني په موخه د کرخ ولسوالۍ بادامتو، سیدآباد او چوبي مسجد کليو ته علمي سير ترسره کړ.
په دې علمي سير کي د مخامخ ليدني او مرکې مېتود په کارولو سره د يادې ولسوالۍ د کليو وضعیت تحلیل او څېړل سو.
د يادې میداني څېړني موندنې ښيې چي يادې کلیوالي سیمي د جدي ټولنیزو او اقتصادي ستونزو سره مخ دي، لکه په کلیو کي بيکاري، د کرنې لپاره د اوبو نشتون کمښت او نشتون، د کرنیزو ځمکو کمښت، د استوګنې کورونه او کرنیزو ځمکي د سیلابونو له امله زیان اوښتی حالت، وچکالي، د ډبرو سکرو په کان کي د ځوانانو سخت او درانه کارونه په کم عايد کېدل، ښوونځيو کي ټولګی نشتون او په خېمو کي زده کړه کېدل، د مسلکي استادانو کمښت، د روغتیا مراکزو نشتون، د واده لګښتونو لوړوالی، د صنایع او تولیدي کارخونو نشتون همدارنګه د بيکارۍ او بېوزلي له امله ددې کلیو اوسيدونکي کډوالۍ ته په زیاته کچه اړ کړي دي.
د همدې ولسوالۍ د کلیو اوسيدونکو د يادو نفس تنګو ستونزو او ننګونو سره سره بیا هم په دې کلیو کليوالو په زړه پوري فرهنګ ساتنه کړې او لا يې نښې او نښانې په دې سیمو کي موجودي وې.
ددې ساحوي څېړني پایلې ښيي چي د کرخ ولسوالۍ په کلیو کي د دوامدارې پراختیا لپاره جدی پاملرنې ته اړتیا لري، ترڅو خلکو ته کار فرصتونه، زده کړې، روغتیا، بنيادي او بنسټيزو کارونه، د اوبو او ځمکني سرچېنې مدیریت، د طبیعي افتونو پر وړاندې د زیان کچه را ټيټه کېدل، د کليوال کلتور او هویت ساتنه، د ټولنیزي سرمايې په توګه راتلونکي کي د پراختیايي پروګرامونو ترسره کول؛ دا هغه ستونزي او اساسي موضوعات دي دي چي هغوی ورته په راتلونکي کي د حل ډيره اړينه اړتيا لري.
