په هرات پوهنتون کي د ليلې محصلينو لپاره روزنيز سمينار وړاندي شو
په هرات پوهنتون کي د ليلې محصلينو ته يو ورځنی روزنيز سمينار وړاندي شو، چي د پوهنتون رئیس شيخ عبدالغني حقاني، د محصلانو چارو مرستيال شيخ عبدالهادي ذوالهادي، د دفتر آمر، کارکوونکو او محصلانو پکښي ګډون درلود.
په دې سمينار کي د هرات پوهنتون رئیس شيخ عبدالغني حقاني محصلانو ته د اسلام مبارک دين او اسلامي ارزښتونو، رسول الله صلی الله عليه وسلم د سنتونو پر پيروي او د مسلمانانو امير ته پر اطاعت کولو باندي خبري وکړې. نوموړي د رسول الله صلی الله عليه وسلم او صحابه کرامو د فداکارۍ او قربانيو يادونه وکړه همدارنګه یې پر محصلينو ټينګار وکړ، چي خپل ژوند، صورت او سيرت به د هغوی په شان جوړ او مراعت کړي.
شيخ عبدالغني حقاني محصلينو ته علم او پوهه د مسلمانانو د قوت راز ياد کړ او هغوی ته يې په تاکيد کولو سره وويل چي خپل درسونه جدي تعقيب کړئ، خپل ځان او هيواد پر قوي کړئ؛ ترڅو کفار بیا د مسلمانانو پر وړاندي د درېدلو جرئت ونکړي همدارنګه هغوی ته يې يادونه وکړه چي د علم ترلاسه کولو لپاره خپله اړيکه د خدای تعالی سره ټينګه وساتئ او ځانونه ته د حضرت محمد صلی الله عليه وسلم پر ښکلي سنت طريقه سره لارې روښانه کړي.
نوموړي په خپلو خبرو کي محصلينو ته زياته کړه، چي تاسي د هيواد راتلونکي ياست، خپل هدف علم ترلاسه کول وټاکی، خپل نيت د الله تعالی د رضا ترلاسه کول او ولس ته په خدمت کولو باندي ځانګړی کړئ، ځکه چي علم هغه وخت خپل اصلي ارزښت پيدا کوي، چي د ترلاسه کولو نيت يې يوازي د الله تعالی رضا، خلکو ته د خدمت او د هيواد جوړولو لپاره وکارول سي.
ياد روزنيز سمينار د محصلانو له لوري وستايل شو، د پوهنتون رهبري يې د همدې سمينار داير کېدو په پار مننه وکړه، هغوی د پوهنتون رهبري سره ژمنه وکړل چي دوی به خپل درسونه ښه تعقيب کړي، اسلامي او ديني اخلاقي ارزښتونو مراعات همدارنګه ټولني او خپل هيواد ته به غوره خدمت ترسره کړي.
