د بنګ کښت رواني پیامدونو ته علمي کتنه او د هغې د منع کولو ضرورت باندې علمي سیمینار
د د دعوت او ارشاد پروګرامونو، کلتور جوړونې او د علمي کادر د ظرفیت لوړولو په چوکاټ کې، د ښونې او روزنې پوهنځي د علمي څیړنو کمیټه او د کلتور کمیټې په همکارۍ د "بنګ کښت رواني پیامدونو ته علمي کتنه او د هغې د منع کولو ضرورت" تر سرلیک لاندې علمي سیمینار ترسره کړ.
د دې سیمینار اصلي هدف په افغانستان کې د بنګ کښت د منع کولو ضرورت ته توجیه ورکول، د دې ناوړه پدیدې رواني پیامدونه علمي ډول سره څیړل او د تعلیم او تربیې پوهنځي د استادانو علمي ظرفیت لوړول وو.
د دې علمي پروګرام کې د ښونې روزنې پوهنځي ۲۰ تنو استادانو ګډون کړی و. سیمینار د پوهنمل فضل الرحمن فاضل، د روانشناسۍ او تربیوي علومو د ډیپارټمنټ غړي لخوا وړاندې شو.
په دې سیمینار کې د مخدره توکو، په ځانګړې توګه د بنګ د کښت رواني، فزیکي او ټولنیزو پیامدونو په اړه علمي او عملي بحثونه وشول. د بحث لاندې مهمو موضوعاتو کې د معتادۍ تعریف، نښې او علامې، د معتاد کیدو عوامل، حشیش او د هغې تاریخچه، د هغې نښې او علامې، د هغې د پریښودلو لارې چارې، رواني، احساسي او سلوکي نښې، رواني پیامدونه او د بنګ د کښت د منعه کولو ضرورت شامل وو.
