د هرات پوهنتون د زیربنایي ساتنې او پرمختیا پروژو پرمختګ
د پوهنتون د چاپېریال د پراختیا او ښه والي په موخه، په هرات پوهنتون کې بېلابېلې ساختماني او زیربنایي پروژې د مالي او اداري معاون تر نظارت لاندې په جریان کې دي. دا پروژې د زده کړو د فضا د کیفیت لوړولو، د چاپېریال ښه والي، او د زده کوونکو او استادانو لپاره د بېلابېلو خدماتو د لاسرسي آسانتیا په موخه پرمخ وړل کېږي.
حافظ محمد بشیر مجاهد، د هرات پوهنتون مالي او اداري معاون، د دې پروژو د اجرایي بهیر د دقیقې څارنې ترڅنګ ټینګار کوي چې ټولې پروژې د پوهنتون د ماسټر پلان سره سم او په غوره معیارونو پرمخ وړل کېږي. هغه وایي: د هرات پوهنتون مشرتابه تل هڅه کوي چې د دې پروژو په تطبیق سره زده کوونکو، استادانو او کارکوونکو ته غوره شرایط برابر کړي.
د یادونې وړ ده چې دا پروژې په لاندې برخو کې پرمختګ لري: د هرات پوهنتون د شنه فضا لپاره عصري او اتومات اوبه ورکولو سیستم جوړول، د لارې جوړونې کارونه لکه تپککاری، ګریدر کاری، موزاییک کاری، او د پیادهرو جغل اچونه د تګ راتګ اسانتیا او د پوهنتون چاپېریال ښایست لپاره د لارې د څنډو جدول کاری، د اوبو د حوضونو د تیږو کار، د سړکونو او پارکونو څراغونه روښانه کول،د ودانیو د ترمیم او رنګ کاری د وسایطو د ښه مدیریت په موخه نوې پارکینګونه جوړول.
