محصلانو ته د مصنوعي ځيرکتيا په مرسته د غوره پريزنټېشن جوړولو سمينار وړاندي سو!
د ژورناليزم او عامه اړيکو پوهنځی د برېښنايي زده کړې کمېټه له لوري د مصنوعي ځيرکتيا په مرسته د غوره پريزنټېشن جوړوني سمينار وړاندي سو.
دا سمينار چي د يادې پوهنځی د ژورناليزم د څانګې استاد پوهنيار رحمت الله حقمل له لوري چمتو سوی و، چي محصلانو ته د مصنوعي ځيرکتيا څخه په استفادې په اسانۍ او لنډ وخت سره د غوره پريزنټېشن لپاره د معياري سلايډ ډيزاين غوره کول، ګرافيک جوړول، د موضوع مطابق د خپلې خوښي وړ انځورونو موندل او ځيني نورې مهمې برخي اړوند مالومات په عملي ډول وړاندي سول.
ددې سمينار وړاندي کولو څخه موخه د (AI) يا مصنوعي ځيرکتيا څخه بلدتيا او کارونه وه.
د يادوني وړ ده، چي د ژورناليزم او عامه اړيکو پوهنځی له لوري وخت پر وخت د خپلو محصلانو د علمي او مسلکي ظرفيت لوړوني په موخه بېلابېل سمينارونه وړاندي کيږي.
