د لمانځه د فضيلتونو په باره کې يو ورځنی سيمينار

nta_new_user
شنبه ۱۴۰۳/۶/۱۷ - ۸:۳۹
img

د هرات پوهنتون د دعوت او ارشاد امريت د عالیقدر امیرالمؤمنین شيخ القران و الحديث مولوي هيبت الله اخندزاده د فرمان له مخې ټولو استادانو او اداري کارکوونکو ته د لمانځه د فضيلتونو د بيانو او د هغه د پابندۍ په باب يو ورځنی سيمينار وړاندې کړ. 
دا سيمينار د قران کريم په څو مبارکو ايتونو سره پيل شو. ورپسې د هرات پوهنتون د دعوت او ارشاد امر مولوي عبدالله طیب د امير د اطاعت په اړه خبرې وکړې او دا فرمان يې واضح کړ چې عالیقدر امیرالمومنین حفظه الله په دې فرمان کې ټولو اداري کارکوونکو ته توصيه کوي چې  لمونځ پر خپل وخت او جماعت سره وکړي. هغه دغه راز د لمانځه د فضيلت په باره کې وويل چې لمونځ د دين ستنه ده او د هغه پر جماعت سره ادا کول يو له ديني ارکانو څخه دی. 
مولوي عبدالله طیب دغه راز زياته کړه چې لمونځ په جماعت سره کول د يووالي سبب کېږي. 
د دې سيمينار په جريان کې د هرات پوهنتون رئيس شيخ الحديث ابوالحکمت مفتي عبدالغفار هم د اسلامي اصولو او اسلامي سياست په اړه هر اړخيزې خبرې وکړې. په دغو دواړو اصولو کې يې د پوهنتون د استادانو او اداري کارکوونکو نقش بارز وباله او ويې ويل چې دا دواړه قشر بايد محصلينو ته يوه الګو وي. 
د هرات پوهنتون رئيس شيخ الحديث ابوالحکمت مفتي عبدالغفار دغه راز زياته کړه چې په پوهنتون کې بايد په تمامه مانا ديني او اسلامي اصولو ته پاملرنه وشي. 
د دې سيمينار په پای کې شيخ الحديث ابوالحکمت مفتي عبدالغفار د سيمينار له ګډون کوونکو څخه وغوښتل چې په جماعت سره د لمونځ کولو او د پوهنتون په نظم کې بايد هڅاند واوسي. ځکه لمونځ ټولنې ته د نېکمرغۍ راوړلو سبب کېږي. 

تازه خبرونه

پنجشنبه ۱۴۰۴/۶/۶ - ۹:۱۴
Background image

په هرات پوهنتون کي د پلان او راپور جوړوني يو ورځنی سمينار وړاندي سو

د هرات پوهنتون د کارکوونکو چارو آمریت د هرات ولایت د کارکوونکو چارو ریاست سره په ګډې همکارۍ د هرات پوهنتون اداري کارکوونکو لپاره د کاري پلان او راپور جوړوني اړوند یو ورځنی سمینار وړاندي. . .

پنجشنبه ۱۴۰۴/۶/۶ - ۹:۱۴
Background image

محصلانو ته د کمرې د برخو پيژندني اړوند عملي زده کړه ورکول سوه

د ژورناليزم او عامه اړيکو پوهنځي د ژورناليزم څانګې د دوهم ټولګي محصلانو ته د کامرې سره د بلدتيا او استعمال اړوند عملي زده کړه ورکول سوه.
ياد عملي کار د استاد نوماند پوهنيار امان الله. . .

پنجشنبه ۱۴۰۴/۶/۶ - ۹:۱۴
Background image

د ږغ ايډيټ او سموني اونيز ورکشاپ دایر سو.

  د رسنيو عملياتي مرکز د راډيو مديريت له لوري د ږغ ایډیټ، سموني او ګرافيک اړوند اونيز ورکشاپ دایر سو.
 د محصلانو چارو معاونيت د رسنيو عملياتي مرکز مسؤلينو په وينا په دې سمينار کي د. . .

BACK TO NEWS