د اسلامي ټولني پر وړاندي د رسنيو مسؤليتونو اړوند علمي او فرهنګي سمينار وړاندي شو!
د هرات ولايت مقام په نوښت او د هرات پوهنتون د ژورناليزم او عامه اړيکو پوهنځي په علمي همکاري د هرات خبريالانو، رسنيو او فرهنګي کارکوونکو ته د اسلامي ټولني پر وړاندي د رسنیو مسؤليتونو اړوند علمي او فرهنګي سمينار وړاندي شو.
ياد دري ورځنی سمينار د هرات ولايت مقام په تالار کي داير شوی و، چي د هرات پوهنتون د ژورناليزم او عامه اړيکو پوهنځي استاد پوهنيار امان الله پښتون له لوري وړاندي سو.
پدې سمينار کي د رسنۍ پيژندني، رسنيو دندې، په ټولنه کي د رسنيو ارزښت، د اسلامي ټولني پر وړاندي د رسنيو رسالت، د رسنيو اسلامي، مسلکي، اخلاقي او افغاني فرهنګي ارزښتونو، په اسلامي ټولنه کي د رسنيو ځای، په اسلامي نظام کي د بیان ازادي او يو شمېر نور مهم موضوعات وړاندي شول.
د يادوني وړ ده چي دا سمينار په اسلامي ټولني کي د رسنيو ځای، د اسلامي او افغاني فرهنګي ارزښتونو را څرګندولو، ديني پوهاوي لوړولو او د رسنيو مسؤليت احساس د پياوړتيا کولو په پار وړاندي شو.
