د برياليتوب په لار کې د موخې د ټاکلو ارزښت
دا د هغه سيمينار سرليک ؤ چې د ژورنالېزم پوهنځي له خوا محصلينو ته ورکړل شو.
د دې سيمينار په لومړيو کې د ژورناليزم د پوهنځي استاد پوهنيار خليل احمد سروش د موخې د ټاکنې پر ارزښت خبرې وکړې، او ټينګار يې وکړ چې پرته له موخې نه هيڅ څوک برياليتوب ته نه شي رسېدای. هغه دغه راز وويل چې صحيح موخه ټاکنه نه يوازې د برياليتوب لار هواروي، بلکې پر برياليتوب تمرکز هم ډېروي.
ده همداراز وويل چې عملي لارې د موخو په ټاکنه کې مهمې دي، هغه همدارنګه له محصلينو وغوښتل چې د روښانه راتلوونکې لپاره موخې وټاکئ.
د سيمينار په دوام يو تن محصل مصطفی موسوي د موخې د ټاکلو لپاره دولس ګوني اصول وړاندې کړل. هغه هم همداسې وويل چې د موخې ټاکنه يو له ارزښت لرونکو څيزونو څخه ده.
