د هرات پوهنتون د سړکونو ریګریزي پیل
نن ماښام د هرات پوهنتون مالي او اداري معاونیت د هرات ولایت د فواید عامې ریاست په همکارۍ د پوهنتون دننه د سړکونو ریګریزي پیل کړه.
د هرات پوهنتون مالي او اداري معاون قاري محمد بشیر مجاهد د فواید عامې ریاست له هر اړخیزو همکاريو مننه وکړه او زیاته یې کړه چې د پوهنتون ټول دنني سړکونه به ریګریزي شي او وروسته به د هغوی د قیر کولو لپاره چمتووالی ونیول شي. نوموړي زیاته کړه چې د پوهنتون د سړکونو د قیر کیدو سره به د پخوانیو ستونزو حل رامنځته شي او د پوهنتون ټولو غړو ته به غوره شرایط برابر شي.
دا هم باید وویل شي چې د هرات ولایت د فواید عامې ریاست د پوهنتون له ریاست سره سلګونه موټره ریګ مرسته کړې ده.
