د هرات پوهنتون د قرآن کریم ژباړې او تفسیر دوره

د هرات پوهنتون ریاست نن په ویاړ سره د خپلو استادانو او کارکوونکو لپاره د قرآن کریم ژباړې او تفسیر دوره پیل کړه. دغه علمي او دیني دوره به د ژمي په رخصتیو کې هره ورځ یوه ساعت ترسره شي.
د دې دورې موخه دا ده چې د پوهنتون استادان او کارکوونکي د قرآن کریم له مفهومونو او د آیتونو له تفسیر څخه ژوره پوهه ترلاسه کړي. دغه دوره یوه ښه موقع ده چې د هرات پوهنتون غړي د الله تعالی له کلام سره د لا ډېرو معلوماتو خاوندان شي او د قرآن کریم د آیتونو په دقیق تحلیل او تفسیر باندې وپوهېږي.
د هرات پوهنتون ریاست له ټولو استادانو او کارکوونکو غوښتنه کړې چې له دې موقعې ګټه پورته کړي او په دې علمي دوره کې ګډون وکړي. دغه پروګرام د دینی پوهې لوړولو او د پوهنتون غړو علمي او فرهنګي وړتیاوو پیاوړي کولو لپاره جوړ شوی دی او کولای شي د پوهنتون په کچه د دیني پوهاوي د پراخېدو په برخه کې مهم رول ولوبوي.