د هرات پوهنتون د ليليې د کمپيوټر د زده کړې د ټولګيو پای
د هرات پوهنتون د ليليې 47 محصلان د کمپيوټر د درې مياشتنيو زده کړو څخه فارغ شول.
په دې موخه جوړ شوي محفل کې چې د شرعياتو پوهنځي په سالون کې جوړ شوی و، لومړی د قران کريم څو مبارک ايتونه تلاوت شول.
ورپسې د محصلینو د چوپړتیاوو د انسجام امر نظام الدين ملکي د دې برنامې په اړه وضاحت ورکړ. او ويې ويل چې دوی همېشه کوښښ کوي چې په بېلابېلو برخو کې محصلينو ته د کمپيوټر زده کړه ورکړي.
وروسته د دې برنامې استاد محمد حمزه رحيمي د هرات پوهنتون له مشرانو او په ځانګړې توګه د محصلينو د انسجام له امريت نه مننه وکړه چې دا ډول برنامې جوړوي. هغه د محصلينو لپاره دا ډول برنامې له ارزښت ډکې وګڼلې او د ليليې له مديريت څخه يې وغوښتل چې دا ډول برنامو ته پراختيا ورکړي.
په آخر د دې برنامې زده کوؤنکو ته تصديق نامې ورکړل شوې.
