د هرات پوهنتون علمي شورا جوړه شوه
د هرات پوهنتون د علمي شورا غونډه د قرانکريم د مبارکو ایتونو په تلاوت سره پیل شوه. په دې غونډه کې، شیخ القرآن والحدیث مولانا عبدالغني حقاني، د هرات پوهنتون رئیس، د شورا او مشورې اهمیت د اسلام له نظره توضیح کړ او علمي شورا یې د پوهنتون د مهمو موضوعاتو د نظرونو تبادلې لپاره یو اغېزمن ګام وباله.
د پوهنتون رئیس هم څرګنده کړه چې د ازموینو تر پای ته رسېدو وروسته به د پوهنتون کارمندانو لپاره د قرآن کریم د تفسیر ورځنۍ درسونه ترسره شي.
ورپسې مولوي محمد موسی فایق علمي معاون، قاري محمد بشیر مجاهد مالي او اداري معاون، او پوهاند عزیزالرحمن نیازی د څېړنو او علمي مجلې معاون، د دریم ربع فعالیتونو راپور وړاندې کړ. همدارنګه د ۱۴۰۴ مالي کال لپاره د بودیجې وړاندوینه، د ابوحنیفه رحمه الله په نوم نړیوال علمي او تحقیقي سمینار جوړول، او د پوهنتون د بېلابېلو پوهنځیو د څېړنیزو کمیټو ارزونه وشوه.
په پای کې د غونډې غړو د استادانو د تقرر، انفکاک او علمي ارتقاء دوسیې و ارزولې. همدارنګه د ښار جوړونې د ډیپارټمنټ د نوم د بدلون په اړه په وزارت کې د معلوماتو بانک کې بحث وشو، د پوهنتون علمي پروګرامونو دوره یي ارزونه، د شرعیاتو او اسلامي علومو پوهنځي د فقې او قانون ماسټري نصاب، او د وترنري علومو پوهنځي د یتوبیالوژۍ په تخصص کې د طب او وترنري ماسټري نصاب تایید شول، او اړینې پرېکړې وشوې.
