د ګوګل کالس روم (Google Classroom) سیمینار وړاندي سو

د هرات پوهنتون د ښکلو هنرونو او عامه ادارې او پاليسۍ پوهنځيو د برېښنايي زده کړو کمېټې په ګډې همکارۍ استادانو ته د ګوګل کالس روم (Google Classroom) سمینار وړاندي سو.
د دې سمینار څخه موخه د استادانو او زده کړیالانو د علمي او تخنیکي پوهي لوړول و، ترڅو هغوی د نوي تکنالوژي په کارولو سره د درسي موادو ښه انتقال لپاره ترې ګټه پورته کړي.
په دې علمي پروګرامونو کي د (Augmented Reality) تکنالوژۍ، د ګوګل کالس روم جوړښت او کارول، ددې برخي د ډیزاین او چمتو کولو مرحلې همدارنګه په عملي ډول په ښوونيز او علمي چاپيريال کي تحلیل او ور وښودل سوه.
دا سمینار د ښکلو هنرونو پوهنځي استاد عاقل حیدري او د عامه ادارې او پاليسۍ پوهنځي استاد اکرم محمدي له لوري وړاندي سو.