د هرات صنعتي ښارګوټي ته د هرات پوهنتون د اقتصاد پوهنځي د محصلينو سير علمي

د هرات پوهنتون د اقتصاد پوهنځي محصلينو د هرات له صنعتي ښارګوټي څخه ليدنه وکړه او د دې ښارګوټي شرکت لرونکو د تاوده هرکلي سره مخ شول. 
په دې سيرعلمي کې محصلین د خپلو استادانو او د تجارت او صنایعو د اتاق د استازي له خوا رهنمايي کېدل. 
دوی د ګلبهار له غذايي صنایعو، کابل فولاد، د اريا د رنګ کمپنۍ، د ورېښمو فرش او د انګوري له بوټونو څخه ليدنه او کتنه وکړه. د دغو شرکتونو استازو د دوی له شرکتونو څخه د محصلينو په ليدلو خوښي څرګنده کړه او محصلینو ته يې لازمې لارښوونې وکړې. 
دا سيرعلمي د اقتصاد پوهنځي کمېټې له خوا په لاره اچول شوی و، تر څو محصلين وکولای شي، د دې شرکتونو د کارکوونکو له تجروبو څخه ګټه واخلي.