د هرات پوهنتون د امر بالمعروف او نهې عن المنکر د قانون د تطبیق او څارني کمېټې غونډه ترسره سوه.
د هرات پوهنتون د امر بالمعروف او نهې عن المنکر د قانون د تطبیق او څارني کمېټې غونډه د يادې کمېټې د غړو ترمنځ داېره سوه.
په دې غونډه کي د امر بالمعروف او نهې عن المنکر د قانون مختلف اړخونو او په ځانګړې توګه د لوړو زده کړو وزارت هغه لارښووني چي د اسلامي احکامو په پلي کولو، د سیرت او صورت د اصلاح په اړه وې، هم بحث او خبرې اترې وسې.
د غونډې غړو دا پريکړه وکړه، چي د یادو موضوعاتو د ښه تطبیق په موخه به اړینه څارنه وکړي، ددې ترڅنګ په يادې غونډه کي پر دې باندي هم بحث وسو، چي ټول کارکوونکي بايد په هرات پوهنتون کي د شرعي، اسلامي او اداري مقرراتو خلاف د جامو په تن کولو څخه په کلکه ډډه وکړي همدارنګه د يادې کمېټې له لوري د پوهنتون ټولو کارکوونکو ته د دیني او کلتوري ارزښتونو پر احترام او بشپړې همکاري کولو باندي هم ټينګار وسو.
