د هرات پوهنتون د مالي او اداري فعالیتونو څخه د ا.ا.ا د ریاست الوزراء د تفتیش پلاوي لیدنه.
د افغانستان د اسلامي امارت د ریاست الوزراء د تفتیش پلاوي رئیس مولوی فضل احمد احمدي د هرات پوهنتون رئیس پوهندوی مولوی عبدالعزیز نعماني سره په داسې حال کې چې د پوهنتون سرپرست علمي مرستیال پوهنمل رحیم بخش فقیریار، د پوهنتون د محصلانو چارو مرستیال پوهندوی غلام حضرت حساس، د پوهنتون مالي او اداري مرستیال ملا انعام الله انعام، د اداري برخو عمومي آمرانو او مدیرانو هم حضور درلود د هرات پوهنتون د ریاست په دفتر کې لیدنه او خبرې اترې وکړې.
د هرات پوهنتون رئیس مېلمنو ته د ښه راغلاست او د پوهنتون د آمرانو او مدیرانو د معرفي کولو ترڅنګ، د قراردادونو، مالي، تدارکاتي برخو او ځینو نورو اړوند فعالیتونو په اړه خبرې وکړې، د اداري برخو مسئولینو ته یې لارښوونه وکړه ترڅو د مؤثر او پر وخت تفتیش په ترسره کولو سره، لازم اسناد او اسانتیاوې د تفتیش پلاوي په اختیار کې ورکړي.
همدارنګه د ا.ا.ا د تفتیش پلاوي رئیس مولوي فصل احمد احمدي هم د ادارو د تفتیش اصلي موخه د مسؤولینو د کړنو ښه والی وبالۀ ترڅو د احکامو او فرامینو په رڼا کې مراجعینو ته با کیفیته خدمات وړاندې کړي.
د هرات پوهنتون د عامه پوهاوي او اړیکو آمریت
۴ صفر ۱۴۴۵ - ۳۰ زمری ۱۴۰۲
