د اجتماعي علومو پوهنځی له لوري د افغانستان د خپلواکۍ ورځ ولمانځل سوه.
په اجتماعي علومو پوهنځي کي د تاريخ څانګې محصلانو په نوښت او د استادانو په ګډې همکاري باندي د افغانستان د خپلواکۍ ورځ د يوې غونډې په ترڅ ولمانځل سوه.
د خپلواکۍ په يادې لمانځغونډه کي د اجتماعي علومو پوهنځي رهبري، استادانو او محصلانو ګډون درلود.
ياده غونډه د قران کريم په څو مبارکو آيتونو تلاوت سره راپيل سوه او بیا د يادې پوهنځي رئیس پوهنيار محمد ناصر محمدي له لوري د غونډې ټولو ګډون والو ته ښه راغلاست ويلو ترڅنګ د يادې پوهنځي د تاريخ څانګې د استادانو او محصلانو نوښت ستاينه او قدرداني وکړه.
ددې غونډې په جريان کي د يادې څانګې دو تنو محصلانو؛ زلمي رحمتي او مصطفی اميري له لوري د (د افغانستان د خپلواکۍ اخيستلو عوامل) په عنوان باندي د کره او معتبرو تاريخي سرچېنو څخه يوه څېړنه چمتو کړې وه، چي ګډونوالو ته يې د خپلواکۍ اخيستلو بهير او داخلي عوامل علمي او مستند روښانه او پکښي وړاندي کړل.
د همدې غونډي په وروستۍ برخه کي د تاريخ د څانګې استاد پوهنمل اسدالله اصيل له لوري د غونډې مالوماتي خلاصه وړاندي سوه او ځوانانو ته يې د هيواد د تاريخي ارزښتونو او لاسته راوړنو څخه پر ساتني باندي ټينګار وکړ.
