د هرات پوهنتون د طب پوهنځي کدري روغتون له نوې ساحې څخه لیدنه
د هرات پوهنتون رئیس پوهندوی مولوی عبدالعزیز نعماني په داسې حال کې چې د طب پوهنځي رئیس پوهندوی ډاکتر شفیق احمد جویا د دې پوهنځي استادانو او یو شمېر اداري کارکوونکو هم حضور درلود د هرات پوهنتون له نوې ساحې څخه چې د طب پوهنځي کادري روغتون به پکې جوړ شي لیدنه وکړه.
د هرات پوهنتون رئیس پوهندوی مولوي عبدالعزیز نعماني د هرات ولایت مقام او د لوړو زده کړو وزارت له همکارۍ څخه د مننې ترڅنګ، د دې پوهنځي د کادري روغتون پرانیستل یې د دې علمي مرکز په ځانګړې توګه د هرات ولایت طبي ټولنې لپاره د یوې لویې لاسته راوړنې په نامه یاده کړه.
د هرات پوهنتون د طب پوهنځي رئیس ښاغلی جویا وایي: د دې روغتون پرانیستل له یوې خوا د دې لامل ګرځي چې محصلین په آرامه فضا کې د درملنې د نویو روشونو او د خپلو استادانو د تخصصي تجربو له لارې اړین مهارتونه لاس ته راوړي او له بلې خوا د علمي تحقیقاتو ترسره کول چې د پوهې د تولید او د خدمتونو د وړاندې کولو لامل ګرځي چمتو کوي.
د هرات پوهنتون د عامه پوهاوي او اړیکو آمریت
۸ محرم ۱۴۴۵- ۴ زمری ۱۴۰۲
