د هرات ولايت مقاماوغالب خصوصي پوهنتون ترمنځ د همکارۍ هوکړه لیک
د هرات ولايت مقاماوغالب خصوصي پوهنتون ترمنځ د همکارۍ هوکړه لیک نن د هرات ولايت والي مفتي نورالدين احمد اسلام جار، په هرات کې د لوړو زده کړووزارت ځانګړي استازي او هرات پوهنتون د مالي او اداري چارو مرستيال مولوي منت الله اخند زاده، د غالب خصوصي پوهنتون رئيس پوهاند محمد ناصر رهياب، د هرات ولايت مقام د بشري سرچينو د پراختيا رئيس قاري ذبيح الله عرفان، د هرات ولايت د اطلاعاتو او کلتور رئيس مولانا نعيم الحق حقاني، د لويديځ زون د خصوصي پوهنتونونو او لوړو زده کړو مؤسسو د اتحاديې استازي او نورو دولتي ادارو رئيسانو په حضورکې د هرات ولايت مقام د کنفرانسونو په سالون کې لاسلیک شو.
د دې غونډې برخه والو د هوکړه ليک د پېژندنې او موخو، د هوکړه ليک تشريح او همکاري، د اکاډميکو بنسټونو ترمنځ د مرستې ارزښت، دعلمي – زده کړييزې هوکړې رامنځته کولو ارزښت اوښوونيزو پروګرامونو پر رول خبرې وکړې او دهرات ولایت مقام خبرې او لارښوونې یې هم واوریدې.
په دغه غونډه کې په هرات کې د لوړو زده کړو وزارت ځانګړي استازي او هرات پوهنتون د مالي او اداري چارو مرستيال مولوي منت الله اخندزاده د خصوصي او دولتي پوهنتونونو ترمنځ د همکارۍ د هوکړه ليک لاسلیک د دوی ستراتيژيکو موخوته د رسيدلو په لاره کې مهم او حياتي وبلل ویې ويل:«د دغه هوکړه لیک لاسلیک د خصوصي لووړزده کړو بنسټونو ترمنځ د بشپړې سيالۍ د رامنځته کولو په لار کې یو مهم ګام دی، چې پايله یې له یوې خوا په دغو بنسټونو کې د زده کړو د کيفيت د ښه والي لامل ګرځي او له بل لوري د دولتي کارکوونکو د ظرفيت د لوړوالي لامل کېږي، ترڅو غوره ټولنيزې چوپړتياوې خلکوته وړاندې کړي.»
په پای کې د هرات ولايت مقام او غالب پوهنتون د رئيس او نورو برخه والو په وړاندې هوکړه ليک لاسلیک شو.
